Ford kompaniýasy oturgyçlar we gapylar bilen baglanyşykly iki aýry kemçilik sebäpli 500 000 töweregi ulagyň yzyna çagyrylandygyny habar berdi.
Birinji mesele 302 000 sany Ford Explorer we Lincoln Aviator ulaglaryna degişli. Bu modellerde ikinji hatardaky gapdal oturgyçlarda Easy Entry pereklýuçateliniň plastmassa çarçuwasynda kemçilik bar. Ulag sürlüp barýarka oturgyç aşakky ýagdaýda doňup galyp ýa-da garaşylmadyk ýagdaýda eplenip biler. Yza çagyryş resminamalarynda Ford munuň heläkçilige sebäp bolup biljekdigini aýdýar.
Ikinji mesele 2021–2025-nji model ýyllarynyň 197 432 sany Mustang Mach-E elektrik ulaglaryna degişli. 12 woltlyk batareýanyň zarýady 8,4 woltdan peselse, gapylar gulplanyp, yzky ýolagçylaryň ulagdan çykmagyna päsgel berip biler.
Ford-a bu mesele boýunça 100-e golaý habar gelip gowuşdy, şolaryň ikisinde ulag eýeleri çagalarynyň ulaglarynda gulplanyp galandyklaryndan zeýrenipdi. Ejir çeken ýok.
Meseläni çözmek üçin kompaniýa geçirişi dolandyryş modulynyň we kömekçi ulgamyň programma üpjünçiligini täzelemegi teklip etdi. Täzelenme öçürilenden soň 12 minutlap gulplary tok bilen üpjün eder we öň gapylaryň içinden açylmagyna mümkinçilik döreder.
Ford ýylyň başyndan bäri 78 gezek yzyna çagyryş habarnamasyny berdi. Kompaniýa öň tormoz meselesi sebäpli 223 315 ulagy yzyna çagyrdy. Umuman alanyňda, Ford 2024-nji ýylda bir milliondan gowrak ulagy yzyna çagyrdy.
