17-nji iýunda Nýu-Ýorkdaky Rokfeller-merkezinde Christie’s Magnificent Jewels auksiony geçirildi. Onda esasy haryt agramy 10,38 karat bolan üýtgeşik gyraňly gülgüne-benewşe göwherli ýüzük boldy.
Daşyň taryhy XVIII asyrdan gaýdýar. Onuň Mariýa Antuanetta degişlidigini görkezýän göni subutnama bolmasa-da, daşyň onuň gyzy, gersoginýa Mariýa-Tereza Angulemskaýa – fransuz şa aýalynyň we Lýudowik XVI-nyň ýeke-täk diri galan çagasynda saklanandygy kesgitlendi. Käbir çeşmelere görä, 1791-nji ýylda Parižden gaçmazdan ozal şa aýaly bezeg şaý-seplerini dellekçä beripdir, olaryň arasynda batbörek şekilindäki bu daş hem bardy. Soňra ol Mariýa-Terezanyň eline düşdi.
Daş nesilden-nesle geçirilipdir. Soňky gezek ol 1996-njy ýylda auksionda köpçülige görkezildi.
Soňrak daşyň täze eýesi zergär Žoel Artur Rozentala (JAR) daş üçin täze gaşöýüni ýasamagy tabşyrdy. Ýylda bary-ýogy birnäçe şaý-sep taýýarlaýan meşhur ussa ony gara titandan ýasap, ownuk göwherlerden ybarat goşa halka oturtdy hem-de liliýanyň şekilinde 17 almazdan ybarat täji goşdy.
Auksionda ýüzük 13,98 mln dollara satyldy – başlangyç bahadan tas üç esse ýokary ($3-5 mln). Alyjynyň ady mälim edilmeýär.
