Günorta Koreýanyň Shift Up studiýasy tarapyndan işlenip düzülen post-apokaliptik Stellar Blade ekşen oýnunyň kompýuter wersiýasy bary-ýogy üç günüň dowamynda bir milliondan gowrak nusgada satyldy. Oýnuň satuwy 12-nji iýunda başlady diýip, Günorta Koreýanyň köpçülikleýin habar beriş serişdeleri habar berýär.
Deňeşdirsek, oýnuň 2024-nji ýylyň 26-njy aprelinde çykan PlayStation 5 wersiýasynyň şol görkezijä ýetmegi üçin iki aý wagt gerek bolupdy. Ýagny kompýuter boýunça satuwlar, takmynan, 20 esse çalt. Oýna aýratyn uly gyzyklanma Hytaýda hasaba alyndy.
Oýnuň ähli platformalarda umumy satuwy 3 million nusgadan geçdi. Ýagny, takmynan, iki million ulanyjy oýny PS5 üçin satyn alypdyr.
Mundan başga-da, Stellar Blade kompýuter üçin çykarylan PlayStation-yň ýekelikde oýnalýan taslamalarynyň arasynda täze rekord goýdy. Steam-de iň ýokary onlaýn oýunçy sany 192 müňden geçdi, bu bolsa öňki rekorddan – Ghost of Tsushima-nyň 77,1 müňlük görkezijisinden ep-esli ýokarydyr.
Habaryň neşir edilen wagtyndaky maglumatlara görä, Stellar Blade oýnunyň Steam-däki ulanyjy bahalandyrmasy – 94%. Oýun 15,3 müňden gowrak «örän oňyn» baha (Steam-den daşary satyn almalary hem goşanyňda 22,6 müň) aldy.
Eýýämden oýnuň dowamynyň üstünde işlenilýär, onuň 2027-nji ýyla çenli çykmagyna garaşylýar.
