Mattel kompaniýasy OpenAI bilen hyzmatdaşlyk barada habar berdi. Metbugat relizine görä, “Barbi” gurjaklaryny we beýleki meşhur oýunjaklary öndürýän kompaniýa ChatGPT dil modelini işläp düzüjiler bilen bilelikde dünýädäki çagalar we maşgalalar üçin akylly hem interaktiw güýmenjeleri döretmek bilen meşgullanar.
“Biziň her bir önümimiz muşdaklary ruhlandyrmaga, auditoriýany gyzyklandyrmaga we oýun arkaly durmuşy baýlaşdyrmaga gönükdirilendir. EA bolsa bu missiýany giňeltmäge we täze hem gyzykly usullar bilen biziň brendlerimiziň ýaýrawyny artdyrmaga ukyply” – diýip, Mattel-iň françaýzing müdiri Joş Silwerman belledi.
Şeýlelikde, emeli aňy ulanmak bilen Mattel-iň eýýäm bar bolan brendleriniň esasynda birnäçe önümi döretmek meýilleşdirilýär. Kompaniýa ulanyjylaryň howpsuzlygynyň, gizlinliginiň we ýaşa laýyklygyň ileri tutuljakdygyny belleýär.
2025-nji ýylyň ahyryna çenli peýda bolmagyna garaşylýan ilkinji akylly oýnawaçlar barada giňişleýin maglumat häzirlikçe ýok.
