Xiaomi kompaniýasy Pad 7S Pro planşetiniň – Pad 7 Ultra flagman modeliniň kiçi wersiýasynyň tiz wagtdan çykjakdygyny tassyklady. Gizmochina-nyň habar bermegine görä, täze planşet uly modeliň birnäçe aýratynlyklaryna, şol sanda hususy Xring O1 çipsetine eýe bolar.
Pad 7S Pro inçe çarçuwaly we öwüşginsiz ýa-da ýalpyldawuk 12,5 dýuýmlyk LCD displeýi bilen üpjün ediler. Gurluşyň korpusy metal bolup, ýogynlygy 5,8 mm barabar. Planşet Xiaomi Pen stilusyny goldar we Apple-den Magic Keyboard-y ýada salýan trekpadly täze klawiatura bilen satylar.
12 160 mA/sag sygymly akkumulýator 120 Wt kuwwatly çalt zarýad alşy goldaýar. Programma platformasy hökmünde Android 15-iň esasynda HyperOS 2.0 ulanylýar. Ol PK-nyň mümkinçiliklerine ýakyn funksiýalary hödürleýär.
Pad 7S Pro-nyň öz aýratynlyklary we bahasy taýdan iPad Air-iň bäsdeşi bolmagyna garaşylýar. Şeýle-de, planşetiň Xring O1 çibi arkaly awtomobil ulgamlary bilen birigip biljekdigi habar berilýär.
Tanyşdyrylyş ýakyn wagtda Redmi K80 Ultra smartfonynyň we Redmi K Pad oýun planşetiniň anonsy bilen bir wagtda geçip biler.
