“Inter Maýaminiň” argentinaly futbolçysy Lionel Messi we NFL-iň (National Football League) oýunçysy, “Kanzas-Siti Çifsiň” kwoterbegi Patrik Mahoums adidas-yň wideosynyň gahrymanlary boldy.
Wideoda türgenler sport zalyndaky ylgaw trenažýorynda ylgaýar. Messi Mahoumsyň trenažýoryndaky düwmä basyp, onuň ylgawyny çaltlaşdyrýar. Mahoums hem şeýle edýär. Şeýdip türgenler tizligi bellibir derejä çenli ýokarlandyryp, birek-birege has çalt ylgamaga itergi berýär.
Wideonyň ahyrynda şeýle ýazgy peýda bolýar: “Biziň ählimiz seniň başarjakdygyňa ynandyrjak kimdir birine mätäçdiris”.
Soňra Messi we Mahoums ylgaw ýodasyndan düşüp, biri-biriniň elini gysýar.
