Ýabany tebigatyň gülkünç suratlarynyň bäsleşigi Nikon Comedy Wildlife Awards 2025-iň guramaçylary fotosuratlary kabul etmegiň tamamlanmagyna bir aýyň galandygyny habar berdi. Şunuň bilen baglylykda, olar soňky aýlarda gelip gowşan iň gülkünç suratlar bilen paýlaşmak kararyna geldi.
Bäsleşige eýýäm üç müňden gowrak fotosurat iberildi.
Hödürlenen kadrlaryň arasynda dünýäniň dürli künjeginden fotosuratçylar tarapyndan düşürilen haýwanlaryň durmuşyndan garaşylmadyk we gülküli pursatlar bar:
“Hiç kim eşitmeýän ýaly aýdym aýt” / Emma Parker
“Hakykatdanam gyşmy?” / Anett Kirbi
“Komandir” / Raşel Makintoş
“Suwa çümmek üçin nobat” / Martin Şmid
“Eje, bolly edäý-dä” / Mark Met-Koen
“Galdyryp goýber, hany!” / Bhargawa Sriwari
“Elini galgadýan aždarha” / Trewor Riks
“Oturtma saç” / Ýann Şowett
“Ikea-ny ýigrenýärin” / Braýan Hempsted
“Sugunlar uçmaýar?” / Jeremi Duwekot
Bäsleşigiň maksady diňe bir tomaşaçylaryň göwnüni açmak däl, eýsem ýabany tebigatyň goragyna ünsi çekmekdir.
“2024-nji ýyldaky bäsleşigiň üstünliginden we biziň Nikon bilen alan gülkimizden, şatlygymyzdan soň, biz dünýäniň öňdebaryjy fotoapparat brendleriniň biri bilen ýene hyzmatdaşlyk etmäge şat” – diýip, guramaçylaryň habarynda aýdylýar.
Bäsleşige islendik markanyň fotoapparatyny ulanyp, isleg bildirýänleriň ählisi gatnaşyp bilýär. Öz suratlaryňy taslamanyň resmi saýtyna ibermeli. Ahyrky möhlet – 30-njy iýun.
Bäsleşigiň jemleri şu ýyl gijräk yglan ediler. Ýeňijilere gowy baýraklar garaşýar.
