«National Geographic Traveller (UK)» tarapyndan her ýyl geçirilýän «Photography Competition 2025» surat bäsleşiginiň guramaçylary 12-nji tapgyryň netijelerini jemledi.
Ýeňijiler alty nominasiýa boýunça kesgitlendi: «Ýabany tebigat», «Peýzaž», «Şäher durmuşy», «Iýmit», «Adamlar» we «Portfolio». Bäsleşige soňky bir ýylyň dowamynda düşürilen suratlar kabul edildi. Bäsleşige hem höwesjeň suratçylar, hem-de Beýik Britaniýadan we Irlandiýadan professionallar gatnaşdy.
Ýeňijiler we baýrakly orunlaryň eýeleri:
Ýabany tebigat:
1-nji orun: Tilki we bürgüdiň garşylygy / © Wiktoriýa Endrýus
2-nji orun: Kanadanyň Alberta prowinsiýasyndaky depelerde arktiki serçeler / © Jo Nun
3-nji orun: Suwuň ýanyndaky ýabany pişik we onuň gulagyna tarap uçup barýan balary / © Hari Kumar Prasannakumar
Peýzaž:
1-nji orun: Islandiýadaky Hwerawellir geotermal meýdanynyň howadan düşürilen görnüşi / © Pawel Zygmunt
2-nji orun: Grenlandiýadaky buzluk / © Edward Hasler
3-nji orun: Daglarda gyş gijesi / © Kristofer Uest
Şäher durmuşy:
Ýeňiji: Singapurda «Gardens by the Bay» tebigat seýilgähiniň diwarlaryny gurşap alan üzüm baglary / © Skott Antkliff
Iýmit:
Ýeňiji: Tibetiň Lhasa şäherindäki maşgala restoranynyň aşhanasy / © Prabir Kumar Mitra
Adamlar:
Ýeňiji: Gyzyl dao halkyndan garry aýal çowlugyna däp bolan senetçiligiň syrlaryny öwredýär / © Jastin Kliff
Portfolio:
Ýeňiji: Nepally monah / © Joşua Mallet
Ähli işler «National Geographic» web sahypasynda elýeterli.
