L'Oreal SA fransuz kompaniýasy Britaniýanyň Medik8 deri idegi brendiniň paýnamalarynyň gözegçilik paýyna eýe boldy. Bu barada L'Oreal-yň özi 9-njy iýunda habar berdi diýip, Bloomberg habar berýär.
Gullugyň maglumatyna görä, şertnamanyň bahasy takmynan 1 milliard ýewro (1,14 milliard dollar). Maliýe şertleri resmi taýdan aýan edilmedi, ýöne Inflexion maýa goýum kompaniýasynyň azlyk paýyny saklajakdygy bellendi. Medik8-iň dolandyryş topary işini dowam etdirer.
Medik8 2009-njy ýylda Beýik Britaniýada esaslandyryldy we garrylyga garşy kosmetika bilen meşgullanýar. Kompaniýa elýeterli nyrh syýasaty bolan brend hökmünde özüni tanatdy. Bu satyn alyş L'Oreal-a dürli baha segmentlerinde derä ideg ediş önümleriniň hataryny giňeltmäge mümkinçilik berer.
Bloomberg-iň belleýşi ýaly, kremler we syworotkalar barada maglumat almakda meşhur bolan TikTok ýaly sosial ulgamlaryň kömegi bilen derä ideg ediş önümlerine bolan gyzyklanma artýar. 2023-nji ýylda L'Oreal premial kosmetika segmentindäki ornuny berkitmek üçin eýýäm Awstraliýanyň Aesop brendini satyn aldy.
CeraVe we Vichy brendlerini öz içine alýan L'Oreal-yň dermatologiki gözellik bölümi 2024-nji ýylda kompaniýanyň ähli iş ugurlarynda iň ýokary ösüş depginini görkezdi.
