Xiaomi Poco F seriýasynyň täze modeli bolan Poco F7 smartfonyny bildiriş etmäge taýynlanýar. Resmi maglumat ýok, ýöne onlaýn ýagdaýda enjamyň ilkinji suratlary peýda boldy.
Suratlarda dik kamera blokly yzky panel görünýär. Esasy 50 megapiksellik sensory ünsi has hem özüne çekýär. Korpusynyň wizual dizaýny ýörite wersiýasynyň çykarylmagynyň mümkindigini görkezýär. Kompaniýa öň “Garri Potter” we “Dedpul” ýaly stillerde hem smartfonlary çykarypdy. Awtoulag öndürijileri bilen hyzmatdaşlyk hem mümkindir, şeýle relizler eýýäm, mysal üçin, Realme we Aston Martin tarapyndan çykaryldy.
Täze modeliň haýsy brend bilen baglanyşykly bolup biljekdigi entek belli däl.
Enjamyň gapdalynda Snapdragon nyşanynyň bolmagy munuň ýaňy-ýakynda hödürlenen Redmi Turbo 4 Pro-nyň global wersiýasydygyny görkezýär. Deslapky maglumatlara görä, model Poco F7 diýlip atlandyrylar.
Smartfonda Snapdragon 8s Gen 4 prosessory, 6,83 dýuýmlyk AMOLED ekrany we 6500 mAh akkumulýator bolar diýlip garaşylýar. Mümkin bolan ýörite wersiýalary hem goşmak bilen, enjamyň ähli wersiýalarynda birmeňzeş tehniki häsiýetnamalaryň bolmagyna garaşylýar.
Tanyşdyryljak senesi entek aýdylmady, ýöne kän garaşdyrmasa gerek.
