Porsche kompaniýasy 963 LMDh ýaryş modeliniň ýol görnüşi bolan 963 RSP giperkaryny görkezdi. Taslama Martini & Rossi-niň eýesi üçin köçä niýetlenen Porsche 917-niň döredilmeginiň 50 ýyllygyna gabatlandy. Ol ýakynda geçiriljek “Le-Manyň 24 sagady” ýaryşy bilen baglanyşykly.
963 RSP turbo görnüşli we gibrid ulgamly 4,6 litrlik V8 bilen enjamlaşdyrylandyr. Jemi kuwwaty - takmynan 700 at güýji. Güýç gurluşy öňküligine galdy, ýöne raýat ýangyjyna uýgunlaşdyryldy. Dolandyryş elektronikasy kuwwaty birsydyrgyn akgynly berip durar ýaly edip düzülendir. Şassisi täzeden işlenip düzüldi: ýerden beýikligi ýokarlandy, amortizatorlary ýumşak sazlamalary aldylar.
Kuzowy trek bolidiniňki ýaly karbondan we kewlardan ýasalan, ýöne asyl Porsche 917-niň reňkine boýalan. Konstruksiýasyna klakson, täze optika we bellige alnyş nyşanlaryny berkidijiler goşuldy. Bu üýtgeşmeler ulagy Fransiýanyň ýollarynda ulanmak üçin ýörite rugsat almaga mümkinçilik berdi.
Içinde karbon oturgyjy bar, üst bölekleriniň köp ýerine deri we alkantara çekilen, oturtma bulgur saklaýjy gurnalyp bilner.
Awtoulag Team Penske-iň gatnaşmagynda döredildi. RSP gysgaltmasy Porsche bolidlerinde çydamlylyk ýaryşyna gatnaşýan öňki ýaryşçy we Team Penske toparynyň ýolbaşçysy, Porsche-niň uzak wagtdan bäri hyzmatdaşy Rojer Penskäniň adyna degişlidir. Penske resmi taýdan superkaryň sargytçysy diýlip atlandyrylýar, emma bu düşünje kompaniýanyň Demirgazyk Amerikan şahamçasynyň gatnaşmagynda işlenip düzüldi.
Porsche 963 RSP-iň ilkinji “janly” görkezilişi Sarte ýolundaky ýaryşyň çäginde bolar, soň giperkar Gudwudda “Tizlik festiwalynda” we Porsche muzeýinde görkeziler. Ulagyň sargytça gowşurylyş senesi görkezilmedi.
