YouTube blogeri JerryRigEverything Samsung Galaxy S25 Edge smartfonynyň sökülýän widesoyny neşir etdi. Ol Galaxy S25 Ultra bilen deňeşdirilende 2,4 mm inçelip, enjamyň ýogynlygynyň bary-ýogy 5,8 mm-e çenli nädip inçeldilendigini anyklady.
Enjamlar dürli mümkinçiliklere eýedigine garamazdan, olaryň bahalary deňeçer. Mundan başga-da, iki modelde-de esasy kamera üçin 200 megapiksellik sensor ulanylýar. Ýöne täze S25 Edge modelinde ISOCELL HP2 datçiginiň kiçi görnüşiniň ýerleşdirilendigi ýüze çykaryldy.
Korpusyň galyňlygynyň inçelmegi birnäçe üýtgetmelere we kompromisslere görä mümkin boldy. Dinamikalaryň, batareýanyň, sowadyş ulgamynyň, enelik platasynyň we USB Type-C portunyň ölçegi kiçeldildi. Port titan çarçuwanyň içinde ýerleşdirildi. Dinamikalar has inçeldi, suwa garşy gorag bolsa, indi korpusyň içinde burçda ýerleşdirilýär.
Esasy täsir eden zatlaryň biri hem ýönekeýleşdirilen iki taraplaýyn enelik platasy boldy. Batareýanyň sygymy azaldy – Galaxy S25 Ultra-da 5000 mA·sag bolan batareýanyň ýerine, bu modelde 3900 mA·sag sygymly batareýa ýerleşdirildi. Şeýle-de bolsa, öndürijiler batareýany çalşyrmagy has aňsatlaşdyrdylar.
Sowadyş ulgamy hem üýtgedildi. Indi Snapdragon 8 Elite çibi gönüden-göni termopasta we bug çykaryjy kamera bilen bilelikde ýerleşýär. Ultra modelinde bolsa, çip bilen bug kamerasynyň arasynda termopasta bolmadyk metal bölek bardy.
Wideobloger smartfonyň epilme synagynda gowy netijeler alandygyny belledi. Bu güýçlendirilen titan çarçuwasy bilen baglanyşykly bolsa gerek.
