Ford kompaniýasy 492 145 sany Explorer krossoweriniň yzyna çagyrylýandygyny habar berdi. Mesele 2016-2017-nji ýylda goýberilen modellere degişli. Bu awtoulaglaryň kuzowynyň orta sütüniniň nakladkasynyň ýelimi gopup biler diýip, Car and Driver habar berýär.
Näsaz awtoulaglaryň 2015-nji ýylyň iýun aýyndan 2017-nji ýylyň aprel aýyna çenli öndürilendigi anyklandy. Biraz soň bolsa nakladkany dakmagyň usuly üýtgedildi. Şeýle-de bolsa, 492 müňden gowrak awtoulag ygtyýarly dilerler tarapyndan gözden geçirilmäge degişli. Sürlüp barylýarka uçup gidýän nakladka, heläkçilige getirip ýa-da beýleki awtoulaglara zeper ýetirip biler.
Hyzmata ýüz tutmazdan ozal, ulag eýelerine nakladkanyň näderejede berk birikdirilendigini barlamak maslahat berilýär. Ulagyň gapysy ýapylanda ol titrese ýa-da jygyldasa, bu berkidilişiniň ygtybarsyzdygyny aňladyp biler.
Dilerler ýakyn wagtda ulag eýelerine duýduryş iberip başlar. Şeýle-de bolsa, belläp geçilişi ýaly, yzyna çagyryş kampaniýasynyň ähli jikme-jiklikleri entek doly işlenilmedi.
