Ford kompaniýasy bir günde ulaglaryň bäşisini yzyna çagyrýandygyny mälim etdi. Olaryň käbiri ýangyn töwekgelçiligi bilen baglanyşykly, biri bolsa eýýäm abatlanan ulaglara degişli diýip, Carscoops ýazýar.
2020-nji ýyllaryň başynda öndürilen Lincoln Corsair, Ford Escape we Maverick krossower modelleriniň 1700 sürüjisine ulagy ulanmagy dessine bes etmek maslahat berildi. Olaryň hereketlendirijileri motor bölümine ýag buglaryny pürküp biler we ol ýygnanyberse ýangyna sebäp bolmagy mümkin. Meseläni hereketlendirijiniň dolandyryş programma üpjünçiligini täzelemek arkaly çözüp bolar.
Hereketlendirijiniň gyzmagy sebäpli ýene-de 6700 ulag, şol bir Corsair we Maverick ýaly, ýöne olaryň has täze modelleri, şeýle hem Linkoln Nautilus we Ford Bronco Sport ot alyp biler.
Başga bir yza çagyryş Ford Transit-iň, F-150-niň we Explorer -iň 3,3 we 3,5 litrlik hereketlendirijileri bilen baglanyşykly.
30,6 müň sany 2024-nji ýylda öndürilen Lincoln Nautilus-da multimedia ulgamynyň displeýiniň öçmek howpy ýüze çykaryldy. Näsazlyk howa üsti bilen täzelenme arkaly düzediler.
Şeýle hem, 2022-nji ýylda çykan F-150 Lightning elektropikaplarynda näsazlyklar ýüze çykaryldy. Olarda şinanyň basyş datçikleri dogry işlemeýär. Bu ulaglar öňem yzyna çagyrylypdy. Indi mesele gaýtadan programmirlemek arkaly çözüler.
2025-nji ýylda Ford eýýäm 50-den gowrak yzyna çagyryş kampaniýasyny yglan etdi, yzyna çagyrylan ulaglaryň sany eýýäm millionlarça. Şeýlelik bilen, maý aýynyň ahyrynda 1 075 299 ulagyň yzy görkezýän kamerasynyň abatlamaga degişlidigi anyklandy.
