Telegram birnäçe täze funksiýalar bilen uly täzelenme çykardy.
Indi ulanyjylar ses habarlaryny redaktirläp, ýagny ýazgy edilenden soň, olary kesip, gerekmejek böleklerini aýryp, ýazgyny pauza goýup bilýär. Bu ähli aýtmaly zady bir dublda ýazmak zerurlygy bolmazdan, uzyn ses habarlaryny döretmegi ýeňilleşdirýär.
Suratlar bilen işlemekde hem üýtgeşmeler boldy. Surat iberilende täze wariant – “ýokary durulyk” peýda bolýar. Şeýle režim suratlary has aýdyň görnüşde ibermäge mümkinçilik berýär: HD faýllary dört esse köp piksel saklaýar we olaryň agramy 0,5 MB-den hem azdyr.
Şeýle-de, Telegram-da kanallaryň administratorlary bilen şahsy aragatnaşyk funksiýasy peýda boldy. Ulanyjylar olara habar ýollap bilýär, ýöne olaryň aragatnaşyk maglumatlaryny görmeýär.
iPhone ulanyjylary üçin indi storisleri göni galereýadan ýüklemek elýeterli boldy. Bu kontenti goýmak prosesini has çalt we amatly edýär.
Mundan başga-da, toparlaýyn çatlarda täze interfeýs peýda boldy: indi bir umumy habarlar lentasynyň deregine dürli temaly goşundylar ulanylýar. Bu gerekli zady çalt tapmaga mümkinçilik berip, çatlary has tertipli edýär.
