Goal internet neşiri 2025-nji ýylyň “Altyn top” baýragyna esasy dalaşgärleriň sanawyny täzeledi. Ilkinji onlukda Çempionlar ligasynyň finalyna gatnaşan Milanyň “Interiniň” ýekeje-de oýunçysy ýok.
Ýaryşyň ýeňijisi “PSŽ” boldy. Klubuň sanawda dört oýunçysy bar.
“Altyn top” – 2025-e dalaşgärleriň ilkinji onlugy:
- Usman Dembele (“PSŽ”, 1-nji orunda galdy);
- Lamin Ýamal (“Barselona”, 2-nji orundady);
- Rafinýa (“Barselona”, 3-nji orundady);
- Mohamed Salah (“Liwerpul”, 5-nji orundan ýokary galdy);
- Kilian Mbappe (Madridiň “Realy”, öň 8-nji orundady);
- Dezire Due (“PSŽ”, ozal onluga girmeýärdi)
- Hwiça Kwarasheliýa (“PSŽ”, reýtingde ilkinji gezek);
- Aşraf Hakimi (“PSŽ”, onlukda ilkinji gezek);
- Pedri (“Barselona”, 6-njy orundan aşak düşdi);
- Harri Keýn (“Bawariýa”, ozal 7-nji orundady).
Onlukdan şular çykdy: “PSŽ-niň” derwezebany Janluiji Donnarumma (4-nji orundady), “Interiň” hüjümçisi Lautaro Martines (9-njy orun), şeýle-de ozal onlugy jemlän “Barselonadan” Robert Lewandowski.
2024-nji ýylyň “Altyn topunyň” eýesi “Mançester Sitiniň” we Ispaniýanyň milli ýygyndysynyň ýarymgoragçysy Rodri boldy. Baýragyň gowşurylyş dabarasy 28-nji oktýabrda Parižde geçirildi.
