Halkara Futbol Assosiasiýalarynyň Geňeşi (IFAB) penalti urgusynyň düzgünlerini aýdyňlaşdyrdy. Olar guramanyň resmi saýtynda ýerleşdirildi.
Düzgünlere görä, eger 11 metrlik urgy wagtynda topa iki gezek deglen we şol bir wagtyň özünde top derwezä giren bolsa, emin urgyny ikilenç bellemeli. Eger top derwezä girmese, bu ýagdaýda garşydaşyň peýdasyna erkin urgy bellenilýär. Oýundan soňky penalti tapgyrynda bolsa şeýle urgy geçirip bilmedik diýlip hasaplanar.
Täze düzgünler 2025-nji ýylyň 1-nji iýulyndan güýje girer. Ýöne ony bu seneden öň hem ulanmaga rugsat berilýär.
Ozal şeýle ýagdaý Çempionlar ligasynyň 1/8 finalynda bolup geçdi. Madridiň “Realy” bilen “Atletikonyň” arasynda bolan penalti tapgyrynda wideo gözden geçirilenden soň, emin Hulian Alwaresiň goluny topa iki gezek galtaşandygy üçin hasap etmedi. Netijede, “Real” indiki tapgyra çykdy.
Şu ýagdaýdan soň UEFA penalti bilen bagly düzgünleri üýtgetmegi ara alyp maslahatlaşmakçydygyny aýtdy.
