WhatsApp 1-nji iýundan köne iPhone we Android smartfonlarynda işlemegini bes etdi

  • 02.06.2025 17:23
  • 5.3k+

1-nji iýundan WhatsApp messenjeri operasion ulgamlarynyň köne wersiýalary bolan smartfonlarda işlemegini bes etdi. Programma indi iOS 15.1-den we Android 5.0-dan pes wersiýaly smartfonlarda işlemez.

Bu täzelenme bütin dünýäde millionlarça ulanyja täsir etdi. Olar indi şahsy we iş hatlaryny açyp, okap ýa-da iberip bilmez.
Ilkibaşda üýtgeşmeler 5-nji maýda güýje girmelidi, ýöne ol üç hepde diýen ýaly yza süýşürildi.
WhatsApp indi iPhone 5s, iPhone 6 we iPhone 6 Plus smartfonlarynda işlemez, sebäbi olar iOS 15.1-i goldamaýar. Apple birnäçe ýyl ozal bu modeller üçin täzelenme çykarmagyny bes etdi.
Käbir çeşmeler iPhone 6s, 6s Plus we ilkinji iPhone SE smartfonlaryny hem agzaýar. Bu gurluşlar iOS 15.8.4-i goldaýar. Eger olarda bu wersiýa gurnalan bolsa, WhatsApp işlemegini dowam etdirer. Çaklamalara görä, ulgam talaplarynyň indiki ýokarlanmagy 2026-njy ýylyň ikinji çärýeginden ir bolmaz.
Ýaşyna garamazdan, şeýle gurluşlar häzirem köpler tarapyndan, şol sanda ikinji telefon ýaly ulanylýar. Bu çagalara, garry adamlara we täzelenmeleri yzarlamaýanlara degişlidir. Şonuň üçin WhatsApp-yň öçürilmegi olar üçin garaşylmadyk bolar.
Kompaniýa talaplaryň ýokarlandyrylmagyny maglumat goragyny güýçlendirmegiň we täze serwer tehnologiýalary bilen birleşmegiň zerurlygy bilen düşündirýär. OS-yň köne wersiýalary zerur howpsuzlyk derejesini üpjün etmeýär.


26.09.2025 21:21
5.2k+

WhatsApp-da mugt habarnama terjimeçisi peýda boldy

WhatsApp messenjeri habarnama terjime etmek üçin täze funksiýanyň işe girizilendigini mälim etdi. Indi ulanyjylar teksti saýlanan dile gönüden-göni programmada terjime edip bilerler, bu bolsa doly mugt bolar. Funksiýa iPhone we Android ulanyjylaryna elýeterli ediler...

26.09.2025 19:44
1.2k+

Instagram aýda 3 mlrd ulanyja baryp, Facebook bilen WhatsApp-yň yzyndan ýetdi

Meta-nyň baş direktory Mark Sukerberg Instagram sosial ulgamynyň indi aýda üç milliarddan gowrak işjeň ulanyjysynyň bardygyny habar berdi. Şeýlelikde, platforma şu ýyl üç milliard aýlyk ulanyjy görkezijisinden geçen Facebook bilen WhatsApp sosial ulgamlarynyň yzyndan ýetdi...

18.09.2025 23:36
4.9k+

Meta linza oturdylan ekran bilen ilkinji akylly Ray-Ban äýnegini hödürledi

Meta kompaniýasy 17-nji sentýabrda Kaliforniýada açylan Meta Connect konferensiýasynda öz akylly äýnekleriniň üç sany täze modelini hödürledi: Meta Ray-Ban Display, Meta Ray-Ban Gen 2 we Oakley Meta Vanguard. Esasy üns Meta Ray-Ban Display äýnegine gönükdirildi...

16.09.2025 18:33
3.7k+

Meta täze önümleri bilen tanyşdyrmaga taýýarlanýar: 800 dollara geljegiň äýnegi, EA hyzmatlary we beýlekiler

Wirtual we giňeldilen hakykata, emeli aňa we metaälemine bagyşlanan Meta Connect 2025 ýyllyk konferensiýasyna sanlyja gün galdy. Şu ýyl kompaniýa akylly äýneklerini we EA tehnologiýalaryny ösdürmäge ünsi gönükdirer...