“Maklareniň” awstraliýaly ýaryşa gatnaşyjysy Oskar Piastri “Formula-1” çempionatynyň dokuzynjy tapgyry bolan Ispaniýanyň Gran-prisiniň ýeňijisi boldy. Ýaryş Barselonada geçirildi.
Ikinji bolup pellehana Piastriniň topardaşy britaniýaly Lando Norris geldi. Ol ýeňijiden 2,471 sekunt yza galdy. Üçünji orny “Ferrariden” Şarl Lekler (+10,455) eýeledi.
Şeýle-de, ilkinji onluga şular girdi: 4. Jorj Rassell (“Mersedes”); 5. Niko Hýulkenberg (“Zauber”); 6. Lýuis Hemilton (“Ferrari”); 7. Izak Hajar (“Reýsing Bulls”); 8. Pýer Gasli (“Alpin”); 9. Fernando Alonso (“Aston Martin”); 10. Maks Werstappen (“Red Bull”).
Ýaryşyň ahyrynda pellehana baýdagyny “Barselona” futbol klubunyň polşaly hüjümçisi Robert Lewandowski galgatdy.
Werstappen pellehana çyzygyny bäşinji bolup geçdi, ýöne soň Rasseliň ulagy bilen çaknyşygyň sebäbi bolandygy üçin 10 sekunt jerime aldy.
“Formula-1-iň” indiki tapgyry – Kanadanyň Gran-prisi 13-15-nji iýunda Monrealda geçiriler.
