Aktýor we sazanda Uill Smit özüniň Based on a True Story atly täze albomyny goldamak üçin aýdym-saz syýahatyna çykýandygyny habar berdi. Daily Mail-iň habar bermegine görä, artist Beýik Britaniýanyň şäherlerinde, şol sanda Londonda, Skarboroda we Wulwerhemptonda çykyş eder.
Konsertiň petekleriniň bahasy 82 dollardan başlaýar. Şeýle-de, janköýerlere 307 dollara goşmaça "Uill Smitiň bukjasy" hem hödürlenýär, bu üýtgeşik sowgatlyklary, ýadygärlik plastinkany we çärä VIP girişi öz içine alýar.
550 dollara ýadygärlik önümleri, saundçeke girmek we aktýor bilen köpçülik bolup surata düşmek hödürlenýär. Iň gymmat paketi Uelsdäki konsertde alyp bolar we onuň bahasy 1740 dollar. Oňa aýratynlykda surata düşmek, sahna aýlanyp görmek, awtograf, saundçeke girmek we gol çekilen wintaž afişasy girer.
Syýahat 24-nji awgustda başlar.
Aýdymçynyň albomyna Jeýden Smit, Teýana Teýlor, Žak Ross we dijeý Jazzy Jeff bilen bilelikdäki trekler girdi. Aýdymlarynyň hatarynda BET baýragynda ýerine ýetirilen " You Can Make It ", şeýle hem öň çykan " Beautiful Scars ", " Tantrum " we " Work of Art" kompozisiýalary bar. Uill Smit täze albomyny "şu wagta çenli ýazan iň şahsy we güýçli sazy" diýip atlandyrdy.
