e.l.f. Beauty kompaniýasy bir milliard dollara amerikaly model Heýli Biber tarapyndan esaslandyrylan Rhode gözellik brendini satyn aldy diýip, CNN habar berýär.
Şertnama e.l.f. Beauty-ä 800 million dollara düşdi, galan 200 million dollary kompaniýa Biber-e satuwlaryň bahasy ýokarlanan ýagdaýynda tölär. Ylalaşygyň 2025-nji ýylyň ahyrynda gutarnykly ýapylmagyna garaşylýar.
Biber kompaniýada galar we döredijilik müdiri hökmünde işini dowam etdirer, şeýle-de innowasiýa bölümine ýolbaşçylyk eder.
Rhode brendi 2022-nji ýylda Heýli Biber tarapyndan döredildi. 2025-nji ýylyň mart aýynda tamamlanan soňky maliýe ýylynda kompaniýanyň satuwdan alan girdejisi 212 million dollar boldy. Şeýle hem 2025-nji ýylyň başynda Rhode önümleriniň Demirgazyk Amerikadaky we Beýik Britaniýadaky Sephora dükanlarynda elýeterli boljakdygyny habar berdi.
e.l.f. Beauty – derä ideg etmek we makiýaž boýunça serişdeler bazaryndaky iň iri oýunçylaryň biri. Bu ýaş sarp edijileriň arasynda iň meşhur gözellik brendidir diýip, CNN belleýär. Kompaniýa Rhode-a bölek satuwy we halkara gatnaşygyny giňeltmäge kömek etjekdigini aýtdy.
