Argentinanyň milli ýygyndysynyň we MLS-iň “Inter Maýami” klubunyň hüjümçisi Lionel Messi öz urugwaýly dosty we topardaşy Luis Suaresiň taslamasyna goşuldy. Olar bilelikde özleriniň futbol klubunyň döredilendigini habar berdi.
“Deportiwo LSM” atly täze klub Urugwaýyň çempionatynyň dördünji diwizionynda çykyş edip başlar.
Ol ýurduň paýtagty Montewideoda, Suares tarapyndan gurlan sport toplumynda ýerleşer.
Suares bu başlangyjy 2018-nji ýylda öňe sürdi.
“Bu taslama biziň futbol baradaky garaýyşlarymyzy paýlaşmagy dowam etdirmek üçin ajaýyp mümkinçilik boldy, şonuň üçin men öz dostumy “Deportiwo LSM-e” goşulmaga çagyrdym” – diýip, Suares Instagram sahypasynda ýerleşdirilen wideoda aýtdy.
