Röwşen Meredow Türkmenistanyň futbol boýunça milli ýygyndysynyň täze baş tälimçisi boldy

  • 28.05.2025 13:33
  • 14k+

Türkmenistanyň Futbol federasiýasynyň Tehniki direktory, futbol hünärmeni Röwşen Meredow Türkmenistanyň futbol boýunça milli ýygyndy toparynyň baş tälimçisi wezipesine bellenildi. Bu barada federasiýanyň resmi saýtynda habar berilýär.

R.Meredow futbol ýoluny 1999-njy ýylda Balkanabat şäheriniň “Nebitçi” toparynda başlap, dürli ýyllarda “Dagdan”, “Galkan”, “Ahal” hem-de “Ýedigen” toparlarynda çykyş etdi.
Futbol maşgalasyndan bolan R.Meredow karýerasyny tamamlanyndan soň tälimçilik ýoluny saýlap aldy. PRO derejeli tälimçilik şahadatnamasy bolan R.Meredow 2013 – 2020-nji ýyllaryň aralygynda paýtagtymyzyň “Ýedigen” hem-de Ahal welaýatynyň “Ahal” toparlaryna tälim berdi. Onuň ýolbaşçylygyndaky toparlar dürli ýyllarda ýurdumyzyň çempionatynda baýrakly orunlary eýeledi. 2017-nji ýylda “Ahal” topary Türkmenistanyň Kubogyna mynasyp boldy.
R.Meredowyň tälim berýän “Ýedigen” toparynyň 2014-nji ýylda AFK-nyň Prezidentiniň Kubogynda ýeňiş gazanandygyny aýratyn bellemek gerek. 
Tejribeli tälimçi 2020-nji ýylyň futbol möwsüminde Özbegistanyň “Kyzylkum”, 2022-nji ýylda bolsa Gyrgyz Respublikasynyň “Kaganat” toparlaryny türgenleşdirdi.
Şu ýylyň başyndan bäri R.Meredow TFF-niň Tehniki direktorynyň wezipesinde zähmet çekýär.
Futbol hünärmeni, şeýle-de, 2020-nji ýyldan häzirki wagta çenli FIFA-nyň GFD (Global futbol ösüşi) bölüminde tehniki eksperti wezipesinde işleýär. Ol bu wezipede dünýä belli  futbol hünärmeni Arsen Wengeriň ýolbaşçylygynda zähmet çekýär. 


düýn 17:45
3.7k+

“Mançester Siti” Puma bilen APL-iň taryhynda iň uly hyzmatdaşlyk şertnamasyny baglaşdy

"Mançester Siti" toparyň tehniki hemaýatkäri Puma brendi bilen hyzmatdaşlygyny 2034/35 möwsümine çenli uzaltdy diýip, Manchester Evening News habar berýär. Täze şertnama ýylda 100 million ýewro düşýär diýip, çeşme habar berýär...

15.07.2025 17:27
8.1k+

Zlatan Ibragimowiç EA Sports FC 26-nyň ýüzi boldy

Şwesiýaly futbolçy Zlatan Ibragimowiç EA Sports FC 26 futbol simulýatorynyň mahabat kampaniýasynyň esasy gahrymany boldy. Onuň suraty oýnuň treýleriniň we ultimatiw nusgasynyň (bonuslar bilen oýnuň giňeldilen görnüşi) daşynda peýda boldy...

15.07.2025 12:11
5.2k+

39 ýaşly Luka Modriç resmi taýdan “Milanyň” oýunçysy boldy

Horwatiýaly ýarymgoragçy Luka Modriç resmi taýdan “Milanyň” oýunçysy boldy. 14-nji iýulda ol lukmançylyk barlagyndan geçip, italýan kluby bilen bir ýyllyk şertnama baglaşdy. Şertnamada ýene bir möwsüm uzaltmak mümkinçiligi hem göz öňünde tutulýar...

15.07.2025 10:24
8.6k+

Klublaýyn dünýä çempionatynda klublaryň näçe gazanandygy belli boldy

2025-nji ýylyň Klublaýyn dünýä çempionatynyň jemi boýunça ýaryşyň ýeňijisi bolan Angliýanyň “Çelsisi” 114,6 mln dollar gazandy. Bu barada Swiss Ramble habar berýär. Topar finalda Fransiýanyň “Pari Sen-Žermen” toparyny 3:0 hasabynda utdy...