Napoleon Bonaparta degişli bolan seýrek gylyç Pariždäki Giquello auksionynda ilkibaşdaky bahasyndan tas bäş esse gymmat satyldy. Onuň üçin 4,7 mln ýewro tölendi diýip, Le Figaro neşiri habar berýär.
Auksion öýüniň maglumatlaryna görä, ilkibaşda ýaragyň bahasy 700 müň ýewrodan 1 mln ýewro aralygynda bolar diýlip garaşylypdy.
Gylyç Bonapart tarapyndan heniz Fransuz respublikasynyň konsuly wezipesini eýeleýän wagty, 1802-nji we 1803-nji ýyllar aralygynda satyn alyndy. Ol ony Wersal manufakturasynyň müdiri Nikolýa-Noel Buteden satyn aldy. Geljekki imperator hökmünde Napoleon gylyjy öz hökmürowanlygynyň ahyryna çenli saklady, soňra ony özüniň wepaly tarapdarlarynyň birine – marşal Emmanuel de Gruşä berdi. Şondan bäri ýarag onuň nesillerinde saklandy.
Bu gylyjyň ikinji nusgasy Moskwada – Döwlet taryhy muzeýiniň düzümine girýän 1812-nji ýylyň Watançylyk urşy muzeýinde saklanýar.
Öň, 2007-nji ýylda, Napoleonyň başga bir gylyjy 4,8 mln ýewro satyldy. Ol bu gylyç bilen 1800-nji ýylda Marengonyň etegindäki söweşe gatnaşdy.
