Roki-Hill şäherçesinde (Nýu-Jersi, ABŞ) 60 ýyldan gowrak wagt bäri Pacific Southern Railway kluby - demirýol modellerini söýüjileriň jemgyýeti hereket edip gelýär. Bu döwrüň içinde olar uzak ýyllaryň dowamynda klubuň başlygy bolup gelýän Karlton Peýtiň öýüniň ýerzemininde uzynlygy bir kilometrden gowrak bolan göwrümli demir ýol modelini gurdular.
Modelde daglar, şäherler we zawodlar bar. Olar, hatda otlulary dolandyrmak üçin ýörite programma üpjünçiligini hem döretdiler.
2023-nji ýylda Peýt ýogalandan soň, model howp astynda galdy. Dul galan aýaly Enn jaýy bir adam üçin gaty uly görüp, ony satmak kararyna geldi. Demir ýoly başga ýere göçürmek mümkin däl diýen ýalydy. 30-40 agzasy bolan bu klub uzak wagtlap azap siňdiren işleriniň netijesini gorap saklamaga razy boljak alyjy gözläp başlady.
Bu model bireýýämden bäri ýerli ähmiýete eýe bolup, telewideniýede hem görkezilipdi. 2025-nji ýylyň ýanwar aýynda Amerikanyň iň abraýly gazetlerinden biri bolan The Wall Street Journal klubyň düşen kyn ýagdaýy barada ýazdy. Makalany Impractical Jokers komediýa şüweleňine gatnaşan Jeýms Mýurreý okady. Ol Roki-Hilliň golaýynda ýaşaýardy hem-de aýalynyň işi we Alsgeýmer keselli adamlara kömek edýän bilelikdäki haýyr-sahawat guramasy üçin ýer gözleýärdi.
Mýurreý klubuň birnäçe ýygnagyna gatnaşdy, olaryň edýän işlerine haýran galdy we Peýtiň öýüni satyn aldy. Myhman otagyny 1950-nji ýyllaryň otly wagonynyň äheňinde salona öwürmek kararyna geldi. Şeýle hem, ol klubyň web sahypasyny täzeledi we merç çykarmagy ýola goýdy.
“Siz Amerikada kluba we öz işine şeýle berlenlige başga ýerde asla duşmarsyňyz" –diýip, Mýurreý demirýoly döredijileriniň işine baha berdi.
