Google kompaniýasynyň esaslandyryjylaryndan Sergeý Brin kompaniýanyň, takmynan, 700 million dollara barabar bolan 4,1 million paýnamasyny haýyr-sahawat maksady bilen bagyşlady. Bu barada geçen hepde ABŞ-nyň Gymmatly kagyzlar we biržalar boýunça komissiýasyna berlen beýanatda mälim edildi.
24-nji maýda Briniň maşgalasy bu serişdeleriň esasy böleginiň «Catalyst4» atly täjirçilik däl gurama geçirilendigini mälim etdi. Bu gurama Sergeý Brin tarapyndan 2021-nji ýylda merkezi nerw ulgamynyň kesellerini öwrenýän we howanyň üýtgemegi bilen bagly meseleleri çözmäge goldaw bermek üçin esaslandyryldy. Serişdeleriň 500 million dollardan gowrak esasy bölegi şol gurama berildi. Galany Briniň maşgalasynyň gaznasyna we Parkinson keseli boýunça gözleglere goldaw berýän Maýkl J. Foks gaznasyna geçirildi.
Sergeý Brin yzygiderli hayyr-sahawat işlerine gatnaşýar. Ol geçen ýylyň maý we noýabr aýlarynda hem «Google-yň» paýnamalarynyň bir bölegini bagyşlapdy.
Häzirki wagtda jenap Briniň umumy baýlygy 143 milliard dollar diýlip bahalandyrylýar we ol «Bloomberg-iň» maglumatlaryna görä, dünýäniň iň baý adamlarynyň sanawynda onunjy orunda durýar.
