Samsung Hindistanyň Noida şäherindäki zawodda Galaxy S25 Edge smartfonynyň önümçiligine başlady. Bu barada kompaniýanyň wekiline salgylanyp, The Economic Times habar berýär.
“Galaxy S25 Edge ýokary öndürijilikli, inçe we ykjam smartfony gözleýän ulanyjylara gönükdirilendir. Ol Galaxy AI funksiýalary, şol sanda ulanyjylara şekil we ses arkaly hakyky wagtda smartfon bilen aragatnaşyk saklamaga mümkinçilik berýän multimodal emeli aň bilen ýola goýulýar. Galaxy S25 Edge Hindistanyň Noida şäherindäki zawodda öndürilýär” – diýip, kompaniýada bellenildi.
Counterpoint Research-yň maglumatlaryna görä, 2024-nji ýylda Apple we Samsung Hindistanda öndürilen umumy smartfonlaryň 94%-ini emele getirdi. Samsung-yň paýy 20% boldy.
Bilermenler Samsung-yň Galaxy S25 Edge-i Hindistanda öndürmek kararynyň ýurduň önümçilik bazasy hem-de dünýäniň tehnologiýa landşaftynda innowasiýalar merkezi hökmünde ähmiýetiniň artmagyna subutnamadygyny belleýär.
Hindistanda Samsung-yň smartfon satuwy hem artýar. 2025-nji ýylyň birinji çärýeginde kompaniýa ýerli bazaryň 17%-ini eýeledi. Muňa flagman modeller, aýratynam, Galaxy S25 Ultra ýardam etdi.
Hindistanda Galaxy S25 Edge-iň satuwy 13-nji maýda başlady. Gurluşyň bahasy 109 000 rupiýadan ($1280) 122 000 rupiýa ($1433) ýetýär.
