Amerikaly YouTube blogeri MrBeast (hakyky ady – Jimmi Donaldson) Professional vs. Amateurs seriýasyndan täze wideo çykardy.
Oňa futbolçy Neýmar, tennisçi Serena Uilýams, basketbolçylar Stefen Karri we Demian Lillard, beýsbolçy Aaron Jaj, ulag ýaryşyna gatnaşyjy Deniel Tiktum, fridaýwer we suw astynda demiňi saklamak boýunça rekord eýesi Budimir Şobat, şeýle-de hot-dog iýmek boýunça rekord eýesi Joui Çestnat gatnaşdy.
27 minutlyk wideoda ýyldyz türgenler öz dissiplinalarynda tötänleýin saýlanan muşdaklar bilen bäsleşýär. Ýeňiji 100 – 500 müň dollar gazanýar. Eger höwesjeň ýeňiş gazansa, puly onuň özi alýar. Eger türgen ýeňse, baýrak haýyr-sahawata gönükdirilýär.
Mysal üçin, futbol synagynda gatnaşyjy Neýmar bilen gezekli-gezegine derwezä top depdi. Her üstünlikli urgudan soň, oýunçylar 4,5 metr yza çekilýär. Kim ilki urup bilmese – utulýar.
Wideo bir günde 44 mln tomaşa ýygnady.
2024-nji ýylyň noýabrynda MrBeast Kriştianu Ronaldunyň gatnaşmagynda şeýle çellenj bilen wideo ýerleşdiripdi. Şondan bäri wideo 278 mln gezek tomaşa edildi.
