ABŞ-nyň Ýol howpsuzlygynyň ätiýaçlandyryş instituty (IIHS) iň köp ogurlanýan awtoulaglaryň sanawyny düzmek üçin barlag geçirdi. Netijelere görä, 2020-2022-nji ýyllar aralygynda ogrular üçin iň özüne çekiji awtoulag - «Dodge Charger SRT Hellcat» bolupdyr.
Bu güýçli «maslkar» 707 at güýjüni öndürýän we 650 Nm tork berýän hereketlendiriji bilen enjamlaşdyrylandyr. Onuň bahasy 82 müň 670 dollar.
Sanawda ikinji orny «Dodge Charger Hemi» eýeleýär. Bu iki model hem özleriniň görmegeý dizaýny we güýçli hereketlendirijileri bilen meşhurdyr.
Iň az ogurlanýan awtoulaglaryň arasynda «Tesla Model 3» bilen «Model Y» bar. Bu elektromobiller seýrek ogurlanýar. Emma «Infiniti Q50» we «Land Rover Range Rover» ýaly gymmat we abraýly modeller ogrularyň ünsüni has köp çekýär.
Bilermenler sport görnüşli we meşhur awtoulaglaryň eýelerine howpsuzlyk çärelerini güýçlendirmegi ýatlatdylar. Olar ogrulyga garşy ulgamlary ulanmagy we awtoulaglary goralýan ýerlerde goýmagy maslahat berýärler.
