Italýan moda dizaýneri Pýerpaolo Piççoli Balenciaga modalar öýüniň döredijilik müdiri bellendi. Bu barada Kering fransuz lýuks holdinginiň web sahypasynda habar berildi.
Piççoli 10-njy iýulda wezipesine girişer. Täze wezipede ol Gucci-niň döredijilik müdiri wezipesine geçen Demnu Gwasaliýanyň ornuny eýelär.
Balenciaga Piççoliniň ýolbaşçylygynda ilkinji ýygyndysyny 2025-nji ýylyň oktýabr aýynda hödürlär.
"Men Balenciaga-da Pýerpaolo bilen bu täze eýýama aýak basýandygyma begenýärin. Onuň döredijilik hyýaly gülläp öser we ol dogumly döredijilige, baý mirasa we öýüň güýçli medeniýetine daýanyp, Kristobal Balensiaganyň mirasyny örän oňat düşündirýär. Toparlarymyzyň tejribesi we taryhda Balenciaga-nyň herekete getiren depginli döredijilik gujury arkaly men sabyrsyzlyk bilen bilelikde gurjak zatlarymyza garaşýaryn" – diýip, Modalar öýüniň baş müdiri Janfranko Jananjeli belledi.
Pýerpaolo Piççoli karýerasyna on ýyllap işlän Fenki italýan öýünde başlady. Soňra, 25 ýylyň dowamynda ol Valentino-nyň döredijilik müdiri boldy. 2008-2016-njy ýyllar aralygynda Mariýa Grasiýa Kýuri bilen bilelikde wezipe borçlaryny ýerine ýetirdi.
Piççoli Valentino-dan gidýändigini 2024-nji ýylyň mart aýynda yglan etdi.
