Italiýaly Massimo Stano sport ýörişinde dünýä rekordyny goýdy

  • 18.05.2025 23:10
  • 4.8k+

Italiýaly türgen, Olimpiýa çempiony Massimo Stano 35 km-lik sport ýörişinde dünýä rekordyny goýdy. Çehiýada geçirilen Ýewropanyň toparlaýyn çempionatynda ol bu aralygy 2 sagat 20 minut 43 sekuntda geçdi.

Şeýlelikde, Stano 2006-njy ýylda 2 sagat 21 minut 31 sekunt netijäni görkezen russiýaly Wladimir Kanaýkiniň üstünligini täzeledi. Şol bir wagtyň özünde russiýaly türgeniň netijesi zerur şertleriň berjaý edilmändigi sebäpli Ýeňil atletika federasiýalarynyň halkara assosiasiýasy tarapyndan resmi taýdan ykrar edilmedi, ýöne türgen guramanyň saýtynda bu aralykda iň gowy netijäniň eýesi hökmünde görkezildi. Resmi rekord kanadaly Ewan Danfä degişli bolup, 2025-nji ýylyň mart aýynda goýuldy – 2 sagat 21 minut 40 sekunt.
33 ýaşly Stano 20 km ýörişde Tokioda geçirilen Olimpiadanyň altyn medalynyň eýesidir. Bir ýyldan soň, 2022-nji ýylda ol 35 km ýörişde dünýä çempionatynyň ýeňijisi boldy.


04.06.2025 16:12
8.4k+

“Inter” Simone Indzaginiň baş tälimçi wezipesinden gidendigini mälim etdi

Simone Indzagi ikitaraplaýyn ylalaşyk esasynda “Interiň” baş tälimçisi wezipesini terk etdi. Maglumat italýan klubunyň resmi saýtynda tassyklandy. Indzagi “Intere” 2021-nji ýylyň tomsundan bäri ýolbaşçylyk etdi...

31.05.2025 10:59
3.5k+

Massimiliano Allegri ýene-de “Milana” tälimçi bellendi

Italýan futbol kluby “Milan” Massimiliano Allegriniň toparyň baş tälimçisi wezipesine bellenendigini habar berdi. Ýylyň başynda “Milana” ýolbaşçy bolan portugaliýaly hünärmen Seržiu Konseýsau bir gün öň işden çykaryldy...

24.05.2025 11:55
6.4k+

“Napoli” taryhynda dördünji gezek Italiýanyň çempiony boldy

Italiýanyň futbol boýunça çempionatynda soňky tapgyryň aýgytly oýunlary oýnaldy we olaryň netijesinde “Napoli” ýaryşyň ýeňijisi boldy. 38-nji tapgyrdan öň “Napoli” “Interden” bir utuk öňde barýardy. Anna güni toparlaryň ikisi-de jemleýji oýunlaryny oýnady...

19.05.2025 14:47
1.4k+

Maks Werstappen Italiýanyň Gran-prisiniň ýeňijisi boldy

“Red Bull” toparynyň niderlandly sürüjisi Maks Werstappen “Formula-1” çempionatynyň ýedinji tapgyry bolan Emiliýa-Romanýanyň Gran-prisinde ýeňiji boldy. Ýaryş Italiýanyň Imola şäherinde geçirildi. Pellehana ikinji bolup “Maklarenden” britaniýaly Lando Norris geldi...