Take-Two Interactive kompaniýasy soňky çärýek üçin maliýe hasabatyny hödürläp, Rockstar Games taslamalary boýunça maglumatlar bilen paýlaşdy.
Hasabata görä, GTA V-iň satuwy 215 mln nusga ýetdi, bu bolsa fewral aýyndaky 210 mln bilen deňeşdirilende 5 mln nusga köpdür. Umuman, Grand Theft Auto seriýasy bütin dünýäde tas 450 mln nusga bilen satyldy, üç aýda ösüş 10 mln boldy. Şeýle-de, GTA+ ýazylyşygyna islegiň durnuklydygy we GTA V boýunça maliýe çaklamalarynyň ýokarlanandygy bellendi.
Bu döwürde Red Dead Redemption 2 oýny 4 mln nusga bilen satyldy we 74 mln nusga ýetdi. Red Dead-iň ähli seriýalarynyň satuwy 100 mln nusgadan gowrak boldy. Oýunçylaryň oýna bolan islegi geçen ýyl bilen deňeşdirilende 23% artdy.
Ýokary satuwa garamazdan, Take-Two 4,49 mlrd dollar möçberde arassa ýitgini hasaba aldy. Kompaniýa muny uly taslamalary taýýarlamak üçin çykdajylaryň artmagy bilen baglanyşdyrdy.
Häzir kompaniýa GTA VI-a aýratyn üns berýär, onuň önümçiligi 2018-nji ýyldan bäri alnyp barylýar. Işjeň tapgyr 2020-nji ýylda başlady. IGN oýnuň býujetiniň 1 mlrd dollardan geçendigini habar berdi, bu hem ony oýun pudagynda iň gymmat taslama öwürdi. Reliz 2026-njy ýylyň 26-njy maýyna meýilleşdirilýär, ýöne möhlet üýtgäp biler – bu GTA V we Red Dead Redemption 2 bilen hem şeýle boldy.
