Saud Arabystanynyň «Al-Nasr» klubunda çykyş edýän portugaliýaly futbolçy Kriştianu Ronaldu yzly-yzyna üçünji ýyl «Forbes» žurnaly tarapyndan dünýäniň iň köp gazanýan türgeni diýlip ykrar edildi. Neşiriň berýän maglumatlaryna görä, 2024-nji ýylyň 1-nji maýyndan 2025-nji ýylyň 1-nji maýyna çenli onuň girdejisi 275 mln dollara ýetipdir.
Bellenilmegine görä, şol mukdaryň 225 milliony aýlyk haklardan we bonuslardan, galan 50 milliony bolsa sponsorlyk şertnamalaryndan gelýär.
Sanawda ikinji orny «Golden Steýt Uorriorz» basketbol toparynyň oýunçysy Stefen Karri eýeleýär – onuň girdejisi 156 mln dollar (56 mln – aýlyk haklardan, 100 mln – sponsorlykdan). Üçünji orunda bolsa, britaniýaly boksçy Taýson Fýuri ýerleşýär, onuň gazanjy 146 mln dollar (140 mln – baýrak pullary, 6 mln – sponsorlykdan).
«Forbes» žurnalynyň sanawyna 50 türgen girizildi. Ilkinji 10-luk aşakdaky ýaly:
- ·Dak Preskott (amerikan futboly) – 137 mln dollar
- ·Lionel Messi (futbol) – 135 mln dollar
- ·Lebron Jeýms (basketbol) – $133 mln dollar
- ·Huan Soto (beýsbol) – $114 mln dollar
- ·Karim Benzema (futbol) – $104 mln dollar
- ·Sýoheý Ohtani (beýsbol) – $102,5 mln dollar
- ·Kewin Dýurant (basketbol) – $101,4 mln dollar
