Hytaýyň Huawei kompaniýasy çeýe ekranly we formasyny üýtgedip bilýän eplenýän korpusly täze gurluşy tanyşdyrmaga taýýarlanýar. Premýera 19-njy maýda Hytaýda bolar. Şol gün hem Nova 14 hatarynyň smartfonlary hödürlener.
Gurluş MateBook Fold Ultimate Design adyny alar. Ol 2024-nji ýylyň sentýabrynda çykarylan ilkinji üç bölekden ybarat eplenýän smartfonyň – Huawei Mate XT Ultimate Design-yň ideýasyny ösdürer. Şol wagt bu smartfon uly gyzyklanma döretdi: 3 müň dollar baha bilen on günüň dowamynda onuň üçin 6 milliondan gowrak sargyt kabul edildi.
Täze noutbugyň aýatynlyklary barada kän maglumat ýok. Ol 2 GB operatiw ýat we 2 TB içki saklaýjy bilen üpjün ediler. Şeýle-de, Huawei PK üçin öz operasion ulgamyny – HarmonyOS-y taýýarlaýar. Ol Windows-y çalyşjak OS hökmünde görkezilýär.
Işläp düzüjiler bu ulgamda howpsuzlyga aýratyn üns berdi. Munuň Huawei-niň ilkinji operasion ulgamydygy üçin, oňa jogapkärçilikli çemeleşildi: onda köp tapgyrlaýyn tassyklaýyş ulgamy hem-de kamera, mikrofona we geolokasiýa elýeterliligi doly ýapýan ýokary derejede gorag režimi göz öňünde tutuldy.
PK üçin HarmonyOS-yň hem tanyşdyrylyşy 19-njy maýa meýilleşdirilýär.
Belläp geçsek, Huawei çeýe ekranly noutbuk çykaran ilkinji kompaniýa bolmaz – şeýle modeller eýýäm Asus-da we Lenovo-da bar. Ýöne bilermenler kompaniýanyň öz çibini, OS-yny ulanandygy we özboluşly formasy üçin täze gurluşa gyzyklanmanyň ýokary bolmagyna garaşýar.
