San-Nikolau adasynda (Kabo-Werde arhipelagy) XX asyryň aýagyndan bäri ýitip giden hasaplanylýan çekirtgäniň janly nusgasy tapyldy. Bu seýrek görnüşleri halas etmäge mümkinçilik berýär diýip, Pensoft neşiri ýazýar.
Monte-Gordo çekirtgesi (Eyprepocprifas insularis) 40 ýyldan gowrak wagtdan soň ýene tapyldy. Iň soňky gezek ol 1980-nji ýylda görlüpdi we bu ýeke-täk tassyklanan gözegçilikdi. 1996-njy ýylda entomolog Mişel Lekok görnüşiň ýok bolandygyny ykrar etdi.
Bu açyş biologlar Rob Feliks bilen Annelis Jeýkobsyň dynç alyş rugsadyny geçirýän ýeri bolan San-Nikolau adasynda edildi. Olar çekirtgäniň ykbaly bilen gyzyklandylar we ony tapmaga synanyşdylar. Eýýäm birinji agşam Rob deňiz guşlarynyň koloniýasynyň golaýyndaky ýodada üýtgeşik bir jandary gördi. Elçyrasyny ýakyp seredende alnyndakynyň şol çekirtgedigine düşündi. Soňra barlagçylar Monte-Gordo tebigy seýilgähinde hem onuň ýene birnäçe sanysyny tapdylar.
Eyprepocprifas insularis - millionlarça ýyl bäri üýtgemän, özboluşlylygyny saklap galan endemik adalardyr. Onuň iň ýakyn häzirki zaman kowumdaşlary ýok. Ol gurakçylykda, güýçli ýellerde we Afrikadan getirilen täze görnüşler bilen bäsdeşlik şertlerinde diri galmagy başardy.
Hünärmenleriň sözlerine görä, açyş adanyň ekologiýasyna we onuň takmynan 5 million ýyllyk ewolýusiýa taryhyna düşünmek üçin möhümdir. Alymlar indi bu seýrek görnüşi we onuň ýaşaýan ýerini goramak boýunça çäreleriň işlenip düzüljekdigine umyt baglaýarlar.
