Samsung ultra-inçe Galaxy S25 Edge smartfonyny hödürledi

  • 14.05.2025 15:55
  • 5.3k+

Samsung kompaniýasy resmi taýdan täze Galaxy S25 Edge smartfonyny hödürledi – bu hatarda iň inçe smartfondyr.

Smartfonyň ýogynlygy 5,85 mm, agramy 163 g barabar. Ol täzelenme ýygylygy 120 Gs çenli bolan 6,7 dýuýmlyk QHD+ displeýine eýe boldy. Çalt hereketli sahnalary has aýdyň görkezmek üçin bolsa ProScaler tehnologiýasynyň goldawy bar.

Ekran Corning Gorilla Glass Ceramic 2 aýnasy bilen goraldy we titan çarçuwa eýe boldy. Yzky panel Gorilla Glass Victus 2 aýnasyndan ýasaldy. Smartfon IP68 ülňüsine laýyk gelýär. Ekranda ultrasesli barmak yzynyň skaneri ýerleşdirildi.
Frontal kamera – 12 Mp. Esasy kamera iki sany: optiki durnuklaşdyrma bilen 200 Mp we giňburçly 12 Mp. Kamera awtomatik sazlamak üçin ProVisual Engine EA tehnologiýasyny ulanýar, Adaptive Pixel funksiýasy bolsa reňk takyklygyny ýokarlandyrýar. Şeýle-de, gowşak ýagtylykda suratyň hilini gowulandyrýan Galaxy Nightography tehnologiýasy bar.

Smartfon Snapdragon 8 Elite prosessory, 12 GB operatiw ýat we 256 ýa-da 512 GB saklaýjy bilen üpjün edildi. Korpusyň inçe bolmagy üçin öndüriji akkumulýator batareýasynyň sygymyndan geçmeli boldy – 25 Wt kuwwatly (Galaxy S25 hatarynyň beýleki wekillerinde 45 Wt) zarýad alyş bilen bary-ýogy 3900 mA/sag. Şeýle-de bolsa, Samsung gurluşyň energiýa tygşytlaýyş ulgamlarynyň netijesinde ýokary awtonomlygy üpjün edýändigini nygtaýar.
Galaxy S25 Edge smartfony Galaxy AI bukjasyndan Circle to Search, Now Bar, Now Brief ýaly EA funksiýalaryny, şeýle-de Audio Eraser, Object Eraser we Sketch to Image redaktirleme gurallaryny goldaýar. Köp funksiýalar oflaýn režimde hem elýeterlidir.

Smartfon One UI 7 interfeýsi bilen Android 15-de işleýär, 5G, Wi-Fi 7 we Bluetooth 5.4 goldawy bar.
Alyjylar üçin korpusyň gara, gök we çal reňkleri elýeterli.
Smartfonyň bahasy 256 GB üçin 1249 ýewro we 512 GB üçin 1369 ýewro.


24.10.2025 09:38
1.5k+

Samsung täze Galaxy XR garniturasyny hödürledi: Apple-yňkydan iki esse arzan we Gemini bilen işleýär

Samsung kompaniýasy Galaxy XR garyşyk hakykat garniturasyny – Apple Vision Pro-nyň  Android-e esaslanýan bäsdeşini hödürledi. Garnitura Google we Qualcomm bilen hyzmatdaşlykda döredildi. Onuň bahasy 1800 dollar bolup, bu ýakynda hödürlenen M5 çipli Apple Vision Pro-dan ($3500) iki esse diýen ýaly arzandyr...

12.10.2025 23:53
3.5k+

Samsung eplenýän Galaxy Z Fold7-niň premium görnüşini – W26-ny hödürledi

Samsung eplenýän Galaxy Z Fold7 smartfonynyň hytaý bazary üçin ýörite döredilen görnüşini – täze W26 flagman smartfonyny hödürledi. Öňki W modelleri ýaly, täze smartfon has kaşaň dizaýny bilen tapawutlanýar: petle, gapdal çarçuwa we kamera halkalary altyn öwüşginler bilen bezeldi...

12.10.2025 11:37
4k+

Samsung-yň VR şleminiň dizaýny we aýratynlyklary belli boldy

Internet torunda täze VR garniturasynyň – Project Moohan hökmünde belli bolan Samsung Galaxy XR-yň suraty we tehniki aýratynlyklary peýda boldy. Suratlary Android Headlines neşiri hödürledi. Galaxy XR garniturasy Google-dan Android XR platformasyna esaslanýar we kompýutere ýa-da smartfona birikmezden awtonom işleýär...

06.10.2025 17:53
2.4k+

Samsung oktýabrda garyşyk hakykat garniturasyny hödürlemäge taýýarlanýar

Samsung eýýäm geljek hepdelerde Android XR operasion ulgamynyň esasynda özüniň ilkinji garyşyk hakykat şlemini hödürlemäge taýýarlanýar. Project Moohan şertli atly gurluş 22-nji oktýabrda görkezilip bilner diýip, 9to5Google habar berýär...