Bluetooth SIG resmi taýdan Bluetooth 6.1 standartyny hödürledi. Ol arabaglanyşygy tiz ýa-da uzak etmeýär, ýöne maglumatlary has gowy goraýar we energiýany tygşytlamaga kömek edýär.
Esasy aýratynlyk Random Resolvable Private Address (RPA) tehnologiýasynda jemlenýär. Ol gurluşyň Bluetooth-salgysyny yzygiderli üýtgedýär we muny şifrlenen görnüşde edýär. Bu hem gurluşy trekerlerden we skanerlerden “gizläp”, şahsy maglumatlaryň goragyny güýçlendirýär.
Şeýle-de, RPA energiýanyň sarp edilişini azaldýar. Gurluşa öz şahsyýetini tassyklamak üçin hemişe baglanyşykda bolmagyň zerurlygy ýok, bu hem batareýanyň zarýadyny tygşytlaýar. Täze standart Bluetooth-yň arhitekturasyny üýtgetmezden, ony has ygtybarly we netijeli edýär.
Gürrüňler iPhone 17 Pro-nyň Bluetooth 6.1 goldawyny alyp biljekdigini görkezýär, ýöne resmi tassyklama heniz ýok. Ulanyjylara öndürijilerden anonsa garaşmak galýar.
Bluetooth SIG eýýäm indiki wersiýanyň – Bluetooth 6.2-niň üstünde işleýär. Onuň relizi 2025-nji ýylyň ahyryna meýilleşdirilýär. Bu barada maglumat ýok, ýöne gurama tehnologiýany hasam kämilleşdirmegi wada berýär.
