Dewid Bekhem we Gari Newill “Solford Siti” klubunyň eýeleri boldy

  • 10.05.2025 19:50
  • 6.3k+

“Mançester Ýunaýtediň” öňki meşhur futbolçylary Dewid Bekhem we Gari Newill “Solford Siti” futbol klubunyň egindeş eýeleri boldy. Bu klub häzirki wagtda ABŞ-nyň dördünji diwizionynda çykyş edýär. Bu barada klubuň resmi saýty habar berdi.

“Men Solfordda ulaldym. Meniň ol ýerde ýaşan döwürlerim barada gowy ýatlamalarym bar. Bu ýer we onuň ýaşaýjylary meniň futbol karýeramda möhüm rol oýnady. “Solford Siti” öz jemgyýetiniň ýüreginde ýerleşýär. Onuň baý taryhy bar we men indiki babyň bir bölegi bolmaga şat” – diýip, Bekhem kluby satyn almagy barada teswir berdi.

The Athletic neşiriniň maglumatlaryna görä, öň klubuň paýnamalar bukjasyna eýeçilik eden Piter Lim gidenden soň, Bekhem we Newill “Solford Sitä” sport netijelerini gowulandyrmaga kömek etjek täze maýadarlary gözläp başlady.
Netijede, “MÝ-niň” öňki oýunçylaryna Consello amerikan kompaniýasynyň esaslandyryjysy Deklan Kelli, Laun-tennis assosiasiýasynyň başlygy wezipesini eýeleýän lord Merwin Dewis goşuldy. Olaryň dördüsi-de “Solfordyň” müdirler geňeşiniň egindeş başlyklary bolar.


düýn 23:58
405

FIFA täze transfer penjiresiniň açylmagyny tassyklady

ABŞ-da geçiriljek 2025-nji ýylyň Klublaýyn dünýä çempionatyna klublary gatnaşýan FIFA-nyň 20 agza assosiasiýasynyň ählisi ýörite transfer penjiresiniň açylmagyny makullady. Bu barada Halkara futbol federasiýasynyň (FIFA) resmi saýtynda habar berilýär...

düýn 12:28
7.3k+

De Brýoýne “ManSiti” bilen hoşlaşdy: klub “Etihadyň” ýanynda onuň heýkelini oturdar

“Mançester Siti” häzirki möwsümiň ahyrynda kluby terk etjek toparyň kapitany, belgiýaly ýarymgoragçy Kewin de Brýoýneniň heýkelini oturdar. Heýkel “Etihad” stadionynyň girelgeleriniň birinde peýda bolar diýip, klubuň metbugat gullugy habar berdi...

düýn 12:01
4.5k+

“Tottenhem” “Mançester Ýunaýtedi” utup, soňky 41 ýylda ilkinji ýewrokubok baýragyny gazandy

Ýewropa ligasynyň finalynda “Tottenhem Hotspur” “Mançester Ýunaýtedi” 1:0 hasabynda utdy. Oýun Bilbaodaky (Ispaniýa) “San-Mames Barriýa” stadionynda geçirildi. Ýeňiş goluny 42-nji minutda Brennan Jonson girizdi...

düýn 11:55
4k+

“Barselona” Flik bilen şertnamany 2027-nji ýyla çenli uzaltdy

“Barselona” futbol kluby baş tälimçi Hans-Diter Flik bilen şertnamany uzaltdy. Bu barada klubuň resmi saýtynda habar berilýär. Ilkibaşdaky şertnama 2026-njy ýylyň tomsuna çenli hereket edýärdi. Täze şertlere görä, germaniýaly hünärmen bu wezipede 2026/27 möwsüminiň ahyryna çenli galar...