5-nji maýda Nýu-Ýorkuň Metropoliten muzeýinde Met Gala haýyr-sahawat baly geçirildi. Bu Kostýum institutyny goldamak üçin her ýyl geçirilýän çäre we moda sergisiniň başlangyjydyr. Şu ýyl çäräniň esasy temasy Superfine: Tailoring Black Style (“Birkemsiz: Tikinçilik sungatynda gara stil”) boldy.
Serginiň kuratorlary – Endrýu Bolton we çagyrylan hünärmen Monika L. Miller özüňi görkezmegiň, erkinligiň we hatda garşylyk görkezmegiň usuly hökmünde garaýagyz erkekleriň stiline ünsi çekdi. Sergi “Barlyk”, “Erkinlik”, “Stil” ýaly 12 tematiki bölümden ybarat. Ol gulçulyk döwründen başlap, häzirkizaman medeni liderine çenli ýoly yzarlaýar.
Met Gala 2025-iň dress-kody Tailored for You (“Siziň üçin tikilen”) adyny aldy. Obrazlaryň arasynda zut-suitler, taryhy siluetler we XX asyryň afroamerikan estetikasy bar.
Balyň egindeş başlyklary aktýor Kolman Domingo, sazandalar A$AP Rocky we Farrell Uilýams, awtoulag ýaryşyna gatnaşyjy Lýuis Hemilton we Vogue-niň redaktory Anna Wintur boldy. Hormatly başlyk bolsa basketbolçy Lebron Jeýms boldy.
Met Gala 2025 450 töweregi myhmany jemledi, olaryň arasynda Nikol Kidman, Demi Mur, Rianna, Zendaýa, Şakira, Priýanka Çopra, Lana Del Reý, Dua Lipa, Madonna, Simona Baýlz we Stiwi Uander hem bar.
Zendaýa Louis Vuitton-yň eşiginde
Nikol Kidman Balenciaga-da
Bad Bunny Prada-da
Rianna Marc Jacobs-da
Formula-1-iň ýedi gezek çempiony Lýuis Hemilton Wales Bonner-de
Joui King Miu Miu-da
Enn Heteueý Carolina Herrera-da
Barri Keogan Valentino-da
Nik Jonas we Priýanka Çopra Balmain-de we Bulgari-niň bezeglerinde
Aktýor Kolman Domingo gyzyl ýodada Valentino-dan iki obrazy görkezdi
Repçi Andre 3000 obrazyny Burberry bilen hyzmatdaşlykda döretdi
Žanel Mone Balmain-de
Sazanda Farrell Uilýams Louis Vuitton-da
Monika Barbaro Dior-da
Çäre 31 mln dollar ýygnap, rekord goýdy. Aýry-aýry petekleriň bahasy 75 müň dollara ýetdi, bu bolsa balyň taryhynda iň ýokary bahadyr.
