Volkswagen ABŞ-da we Kanadada satylan ähli ID. Buzz miniwenleriniň yzyna çagyrylandygyny habar berdi. Munuň sebäbi juda gülkünç - üçünji hataryň oturgyçlary gaty giň hasaplanyp, Amerikanyň standartlaryna laýyk gelmeýär eken.
ABŞ-nyň Milli ýol hereketiniň howpsuzlygy gullugynyň (NHTSA) habar bermegine görä, üçünji hataryň oturgyçlary iki adama niýetlenen we iki sany howpsuzlyk kemeri bilen enjamlaşdyrylan. Şeýle-de bolsa, onuň ini bellenen çäkden 55,2 dýuým (takmynan 140 sm) geçýär we üç orunlyk hasaplanýan oturgyjyň inine gabat gelýär.
NHTSA-nyň berýän maglumatlaryna görä, hakykatda uýluklaryň durmaly ýeriniň giňişligi 48 dýuým (122 sm), eginleriňki bolsa 53 dýuým (135 sm) bolmaly. Emma formal giňlik standartdan has artyk gelýär, diýmek, FMVSS 208 standartyna laýyklykda üç howpsuzlyk kemeriniň oturdylmaly.
Volkswagen oturgyjyň aýratyn arka taraplarynyň, kontur bölüminiň bardygyny we diňe iki ýolagçy üçin niýetlenendigini düşündirmäge synanyşdy. Ýöne sazlaýjy formanyň ýa-da gurluşyň däl-de, umumy iniň möhümdigini nygtady.
Çözgüt hökmünde kompaniýa hyzmat merkezlerinde oturgyjyň giňligini kiçeldýän ýörite nakladkalary oturtmagy teklip etdi. Olar gaty materialdan ýasalar we üçünji ýolagçynyň ýerleşmegine mümkinçilik bermez.
Volkswagen 2025-nji ýylyň iýun aýynda ABŞ-da 5637 sany ID. Buzz-nyň eýesine we Kanadada 771 ID. Buzz-nyň eýesine habar ugradyp başlar. Şondan soň awtoulaglar täze elementleri gurnamak üçin hyzmat merkezine eltilmeli.
