Hyundai Kona 2025 krossoweriniň täzelenen görnüşini hödürledi.
Esasy täzelik - Modern Plus esasynda döredilen H-Pick komplektasiýasynyň bolmagy. Oňa gapdal we yzky çaknyşyklaryň öňüni alyş ulgamlary, ýolagçy awtoulagdan çykanda duýduryjy, şeýle-de üçekdäki ýükdany girýär.
Kompaniýa modeliň ähli wersiýalarynyň esasy enjamlaryny güýçlendirdi. Şol bir wagtyň özünde, Modern-iň başky wersiýasynyň bahasy üýtgemedi, beýleki komplektasiýalary üçin bolsa baha sähelçe ýokarlandy.
Premium komplektasiýasy indi tokly açylýan ýükdany, smartfon üçin simsiz zarýad berijini, sanly açary, gowulandyrylan salony we goşmaça yşyklandyryşy öz içine alýar.
Iň gymmat Inspiration wersiýasynyň içki bezegi täze materiallary aldy. Şeýle hem, bar bolan opsiýalaryň sanawy hem giňeldildi. Park Assist we Convenience paketlerini indi H-Pick wersiýasy üçin hem saýlap bolýar.
Hyundai Kona 2025-iň bahasy 24,09 - 35,12 million günorta koreýa wony aralygynda, ýagny, takmynan 16,9-24,7 müň amerikan dollary.
