Rockstar Games studiýasy GTA 6-nyň haçan çykaryljakdygyny aýtdy. Täze oýun 2026-njy ýylyň 26-njy maýynda PS5 we Xbox Series üçin çykar. Bu barada kompaniýa sosial torlarda we resmi web sahypasynda aýratyn beýanat bilen habar berdi.
Işläp düzüji öz beýanatlarynda ýokary hilli oýny döretmek üçin goşmaça wagtyň gerekdigini hem-de bu oýnuň janköýerleriň garaşýan zatlaryndanam ýokary derejede boljakdygyny aýtdy.
«GTA 6 indi 2026-njy ýylyň 26-njy maýynda çykar. [Oýnuň] siziň garaşanyňyzdan has giç çykjakdygy üçin, biz diýseň gynanýarys. Täze GTA baradaky gyzyklanmalaryňyz we tolgunmalaryňyz, hakykatdanam, tutuş ähli toparymyzy ruhlandyrýar. Oýnuň üstünde işleýän döwrümizde, bize beren goldawyňyz we sabyrlylygyňyz üçin sag bolsun aýdýarys. Çykaran her oýnumyzda, biziň esasy maksadymyz — siziň garaşýan derejäňizden hem ýokary çykmak boldy, muňa GTA 6 hem degişli. Garaşýan hil derejäňize ýetmek üçin, bize goşmaça wagtyň gerekdigine düşünersiňiz diýip umyt edýäris» — diýip, Rockstar Games ýazýar.
Ilki bilen GTA 6-nyň 2025-nji ýylyň güýzünde çykmagyna garaşylýardy, emma Take-Two eger Rockstar-yň wagta mätäçligi ýüze çyksa, oýnuň çykjak senesiniň yza süýşürilmeginiň mümkindigini öňem aýdypdy.
