WhatsApp-yň web-wersiýasy audio we wideo jaňlar funksiýasyna eýe bolar

  • 03.05.2025 11:20
  • 1.2k+
WhatsApp-yň web-wersiýasy audio we wideo jaňlar funksiýasyna eýe bolar

2025-nji ýylyň ahyryna çenli WhatsApp messenjeriniň web wersiýasynda ulanyjylara audio we wideo jaňlary amala aşyrmaga mümkinçilik berýän funksiýa elýeterli bolar diýip, WABetaInfo habar berýär.

Ondan öň jaňlar diňe Android we iPhone üçin ykjam programmalarda, şeýle hem Windows we macOS üçin desktop wersiýasynda bardy. Brauzerde ulanyjylar diňe tekst iberip, faýl goşup we ses habarlaryny ýazyp bilýärdiler.
Indi ýagdaý üýtgär. Ulanyjylar Safari, Google Chrome, Edge ýa-da Opera ýaly brauzerlerde WhatsApp açyp, aýratynlykda ýa-da toparlaýyn jaňlaşyp bilerler. Jaň etmek üçin düwmeler interfeýsiň ýokarky sag burçunda peýda bolar. Jaňa başlamak üçin brauzer kamera we mikrofona girmek üçin rugsat sorar. Bu rugsat bolmasa jaň edip bolmaz.
WhatsApp-daky ähli maglumatlar, wersiýasyna (ykjam, desktop ýa-da web) garamazdan, howpsuzlygyny üpjün edýän ahyrky şifrlemek bilen goralýar. Täze funksiýanyň 2025-nji ýylyň ahyryna çenli elýeterli bolmagyna garaşylýar.
WhatsApp-yň bäsdeşlerinde eýýäm şuňa meňzeş mümkinçilik bar. Mysal üçin, Microsoft Teams we Google Meet brauzer esasly jaňy goldaýar. WhatsApp-yň esasy bäsdeşi bolan Telegram, web wersiýasynda jaň etmek bireýýämden bäri elýeter.

Türkmen döwlet gurjak teatrynda «Maugli» spektakly görkeziler
şu gün 17:42
228

Türkmen döwlet gurjak teatrynda «Maugli» spektakly görkeziler

Türkmen döwlet gurjak teatrynda «Maugli» spektaklynyň premýerasy taýýarlanylýar – ol 12-nji dekabrda görkeziler. Bu sahna oýny iňlis ýazyjysy Redýard Kiplingiň adybir eseriniň esasynda goýuldy. Spektakl tomaşaçylara dünýäniň nusgawy eserleriniň teatr hepdeliginiň çäginde görkeziler...

Tarantino “Billiň kastynda” filminiň animasion prikwelini surata düşürmegi meýilleşdirýär
şu gün 17:28
247

Tarantino “Billiň kastynda” filminiň animasion prikwelini surata düşürmegi meýilleşdirýär

Režissýor Kwentin Tarantino “Billiň kastynda” («Убить Билла») dulogiýasynyň baş gahrymanynyň animasiýalaşdyrylan gelip çykyşyny döretmek we "Billiň nädip Bill bolandygyny" açmak isleýändigini aýtdy. Ol bu barada Los-Anjelesde geçen “Ýukiniň ar alşy” («Месть Юки») atly gysga metražly filminiň ýörite görkezilişinde aýtdy diýip, Entertainment Weekly habar berýär...

“Juda geň işleriň” 5-nji möwsümi iňlis dilindäki seriallaryň arasynda Netflix-iň rekordyny goýdy
şu gün 12:00
1.4k+

“Juda geň işleriň” 5-nji möwsümi iňlis dilindäki seriallaryň arasynda Netflix-iň rekordyny goýdy

“Juda geň işleriň” (Stranger Things) bäşinji möwsümi Netflix-de iňlis dilindäki seriallaryň arasynda täze tomaşaçy rekordyny goýdy. 26-njy noýabrda çykan soňky möwsümiň ilkinji dört bölümine bir hepdäniň içinde 59,6 million gezek tomaşa edildi diýip, Deadline neşiri ýazýar...

Runway “kinematografik hildäki” HD wideo generatoryny görkezdi: ol şolbada Veo 3 we Sora 2 Pro-den geçdi
şu gün 11:54
1.1k+

Runway “kinematografik hildäki” HD wideo generatoryny görkezdi: ol şolbada Veo 3 we Sora 2 Pro-den geçdi

Runway emeli aň tarapyndan döredilen wideolaryň hakykata golaýlygyny täze derejä çykarýan Gen 4.5 modelini hödürledi. Bu barada The Verge neşiri habar berýär. Täze generator dessine "Artificial Analysis"-iň "Video Arena" atly, tekst beýanyndan wideo döretmäge niýetlenen EA modelleriniň reýtinginde Google Veo 3 we OpenAI Sora 2 Pro ýaly esasy bäsdeşlerinden öňe geçip, birinji orny eýeledi...