3-nji maýdan 18-nji maý aralygynda Brýusseldäki Poelaert meýdançasynda The View syn ediş çarhynda mugt aýlanmak bolýar. Bu aksiýa Samsung tarapyndan täze Galaxy S25 smartfonlaryny mahabatlandyrmagyň çäklerinde gurnaldy.
Adatça, petegiň bahasy 10 ýewro, ýöne kompaniýa mahabat kampaniýasynyň çäklerinde ähli çykdajylary öz üstüne alýar.
Aksiýa Galaxy S25, Galaxy S25+ we Galaxy S25 Ultra smartfonlarynyň satuwyna, şeýle-de, Galaxy AI tehnologiýasyna bagyşlanýar. Gezelenjiň dowamynda tutuş şäheriň owadan görnüşine syn etmek bolýar. Gatnaşyjylara täze smartfonlarda surata düşürmek teklip edilýär. Şeýle-de, öz suratlaryňdan şahsy otkrytkalary döretmek bolar.
Çarh Galaxy AI funksiýalaryna ünsi çekmek bilen bezeler.
Ýakynda Galaxy S25 Edge modeli barada hem täze maglumatlar peýda boldy. Surat smartfonyň nauşnikler üçin 3,5 mm portunyň ýokdugyny tassyklaýar. Korpusyň ýogynlygy 5,8 mm, ekranyň diagonaly bolsa 6,7 dýuým bolar. Smartfon inçe çarçuwaly we tegelek frontal kameraly Dynamic AMOLED 2X displeýi bilen üpjün ediler.
Şeýle-de, 2025-nji ýylyň tomsunda Samsung-yň täzelenen Galaxy Watch 8 Classic modelini çykarjakdygy belli boldy. Munuň bilen bir wagtda esasy Galaxy Watch 8 wersiýasy hem çykar.
