Britaniýaly adam 1917-nji ýyldan bäri suwuň düýbünde ýatan gämini satyn aldy

  • 30.04.2025 12:31
  • 10k+

Britaniýaly daýwer Birinji jahan urşy döwrüniň suwa gark bolan gämisini 300 funt sterlinge (399 dollar) satyn aldy. Ol gäminiň satylýandygy baradaky bildirişi ýanwar aýynda sosial ulgamlarda gördi diýip, The Telegraph ýazýar.

53 ýaşly Dom Robinson häzirki wagtda Kornuoll graflygynyň kenaryndaky La-Manşyň düýbünde ýatan SS Almond Branch ýük gämisini satyn aldy. Gämi 1917-nji ýylyň noýabryndan, ýagny nemes suwasty gämisi ony suwa gark edeninden bäri suwda ýatyr.
Daýwer eýýäm bu töwereklerde suwa çümüp gördi, şonuň üçin şertnamadan soň näme aljakdygyny bilýärdi.
Ol hökümetden ony SS Almond Branch-yň kanuny eýesidigini tassyklaýan haty aldy. “Şeýle gämileriň satyn alynmagy 20 ýyl ozal gadagan edilipdi, ýöne men şeýle hukugy almagy arzuw etdim. Elbetde, bu poslan demir üýşmegi, ýöne indi bu meniň demir üýşmegim” – diýip, Robinson belleýär.
Bu gämide hiç zat saklanyp galmandyr. Şeýle-de bolsa, daýwer öz eýeçiligiňe geçen gämä tarap çümmegiň üýtgeşik duýgulary döredýändigini belleýär.


13.05.2025 14:16
3k+

Britan startapy kwant kompýuteriniň we EA-nyň kömegi bilen aýdym döretdi

Britaniýanyň Moth startapy Recurse atly özboluşly aýdymy çykardy. Ol generatiw EA-nyň we kwant kompýuteriniň kömegi bilen döredilen taryhda ilkinji aýdym boldy we eýýäm Spotify-da elýeterlidir. Bu aýdymyň üstünde elektron artist ILĀ işledi...

09.05.2025 10:04
10k+

Britaniýaly aýal dynç güni işden boşadylandygy üçin kompaniýadan 33 müň dollar öwez tölegini aldy

Beýik Britaniýada bir aýalyň işden boşadylmagy onuň hukugynyň kemsidilmegi hökmünde ykrar edilenden soň, kazyýetiň karary bilen iş beriji kompaniýa şol aýala 25 müň funt sterling (takmynan, 33 müň dollar) öwez tölegini tölemäge borçly edildi...

05.05.2025 13:05
11k+

8 ýaşly oglanjyk howlusyndan 140-180 million ýyllyk galyndyny tapdy

Derbişir graflygynyň Matlok şäherinden (Beýik Britaniýa) sekiz ýaşly Elliott atly oglanjyk öýleriniň howlusyndan ammonitleriň galyndylaryny tapdy. Ammonitler - 140-180 million ýyl ozal ýura döwründe ýaşap geçen gadymy deňiz mollýuskalary...

29.04.2025 14:01
17k+

Britaniýaly adam ýitip barýan görnüşi goramak üçin guş eşiginde 85 km pyýada geçdi

Mett Trewelýan seýrek guş görnüşi bolan uly ýylkyçynyň ýitip barýandygyna ünsi çekmek üçin onuň eşiginde 85 km ýoly pyýada geçdi. Bu guş 2015-nji ýyldan bäri Beýik Britaniýanyň Gyzyl kitabyna girýär diýip, Independent we New York Post habar berýär...