Redmi Turbo 4 Pro smartfonynyň çykmagy bilen bir hatarda Xiaomi kompaniýasy Garri Potteriň stilinde döredilen aksessuarlar kolleksiýasyny görkezdi. Oňa kolonka, daşarky akkumulýator, syçanjyk we klawiatura girdi.
Redmi Harry Potter Edition Bluetooth kolonkasynyň bahasy 139 ýuan ($19). Gurluş rezin korpusa, götermek üçin kemere, IP67 ülňüsi boýunça suwdan we tozandan goraga eýe boldy. Ol 4 Wt kuwwatly 1,5 dýuýmlyk dinamika we Bluetooth 5.3 bilen üpjün edildi. Sesiň stereo bolmagy üçin ikinji kolonkany birikdirmek mümkinçiligi hem bar. Akkumulýator sygymy – 800 mA/sag bolup, USB-C arkaly zarýad berilýär. Awtonom iş wagty – 5 sagada çenli.
Daşarky akkumulýator Xiaomi 10,000mAh 33W Harry Potter Edition 149 ýuana durýar ($20). Ol içki kabel we iki sany 5000 mA/sag akkumulýator bilen üpjün edildi. Ulanyp boljak peýdaly sygymy – 5500 mA/sag. USB-C arkaly 33 Wt çalt zarýad berşi goldaýar. 30 minutda iPhone 16 Pro smartfonyna 58%-e çenli zarýad bermäge ukyply. USB-C we USB-A portlary bar.
Xiaomi X1 Wireless Harry Potter Edition syçanjygy 349 ýuan ($48) bilen bahalandyrylýar. Agramy – 65 g (kabelsiz). PAW3395 sensory bilen üpjün edilen, reaksiýa ýygylygy – 8 KGs, TTC düwmeleri bar. Simli we simsiz birikmäni goldaýar. Windows 10 we macOS 10.13 we ondan ýokary operasion ulgamlar bilen gabat gelýär.
MK71 Pro Harry Potter Edition klawiaturasynyň bahasy 599 ýuan ($82). Onuň 71 klawişi, LCD ekrany, TTC düwmeleri bar. USB-ni, Bluetooth-y we 2,4 GGs birikmeleri goldaýar. Akkumulýator – 7800 mA/sag.
