Repçi Dreýk ilkinji parfýumy bolan Summer Mink-i 148 dollardan satuwa çykardy diýip, «WWD» habar berýär.
Parfýumyň düzüminde ýokary notalarda sitrus miweleri we şalfeý, orta notalarda sambak žasmini, aşaky notalarda bolsa wetiwer we ýumşak müşk bar.
Summer Mink «Ulta Beauty» dükanlarynda we Better World Fragrance House brendiniň resmi web sahypasynda elýeterli bolar.
Dreýk 2023-nji ýylda parfýumer Maýkl Karbi bilen bilelikde aromatik ýaglaryň bir hataryny çykarypdy. Olar landyşyň, ambranyň, dub suwotunyň, derili müşküň we ýantar agajynyň ekstraktlaryny öz içine alýardy. Bu ýaglaryň esasy aýratynlygy – her bir adamyň derisine görä ysyny üýtgedip, uýgunlaşyp bilmegidi.
Summer Mink brendiň giň auditoriýa üçin döredilen ilkinji doly görnüşli parfýumy bolar.
