Google kompaniýasy Chrome-yň Android üçin görnüşine PDF resminamalaryna doly goldaw goşdy. Indi degişli faýllary gös-göni brauzerde açyp bolýar, daşarky programmalar ýüklemegiň zerurlygy ýok diýip, «Android Authority» habar berýär.
Chrome-yň içki PDF-rideri diňe bir faýllary görmäge däl-de, eýsem faýllar bilen özara işlemäge-de mümkinçilik döredýär: ruçka, marker, pozguç, ýatyrmak we gaýtadan ýerine ýetirmek düwmeleri bar, şeýle hem resminamany aýlap görmek we dürli ýerlerde bellikler goýup bolýar. Gurallar panelini ýokarda ýa-da aşakda ýerleşdirmek mümkinçiligi bar.
Resminamanyň içinde Chrome-yň içki gözlegi arkaly tekst boýunça gözleg etmek funksiýasy hem peýda boldy. Onuň kömegi bilen gerek sözleri çalt tapmak we tapylan ýerleriň arasynda oklar arkaly tiz hereket etmek bolýar.
PDF-faýllara goldaw ozal Chrome-yň synag sazlamalarynda gizlenipdi, ýöne indi bu funksiýa brauzeriň durnukly wersiýasynda işleýär we ähli ulanyjylara elýeterli edildi.
