ABŞ-da Günorta Men uniwersitetiniň kampusynyň durkuny täzelemek işleriniň dowamynda XIX asyrda ýetginjekler tarapyndan ýazylyp, gizlenen söýgi hatlary tapyldy. Bu barada People neşiri habar berýär.
Hatlar 1806-njy ýylda gurlan Akademiýanyň binasynda tapyldy. Öň ol ýerde barly maşgalalardan okuwçylar üçin taýýarlyk mekdebi ýerleşýärdi.
Hatlar diwarlar bilen pol tagtalarynyň arasynda gizlenipdir. Olarda ýetginjekler “meniň mähribanym” ýaly jümleleri ulanyp, birek-birege bolan söýgülerini beýan edip, jogapsyz duýgular barada alada bildiripdir we mugallymlaryň özüni alyp barşy barada bellikleri galdyrypdyr.
Hünärmenleriň pikiriçe, hat binanyň mekdep hökmünde ulanylan wagty ýazylan bolmaly. 1878-nji ýylda ol Men ştatynyň emlägine geçirildi we ol uniwersitetiň bir bölegine öwrüldi.
Häzir okuw jaýynyň ýolbaşçylygy tapyndyny nädip saklamalydygyny ara alyp maslahatlaşýar. Ony giň köpçülige elýeterli etmek üçin sanly görnüşe geçirmek mümkinçiligi göz öňünde tutulýar.
“Adamlar wagtyň geçmegi bilen şol bir zada dürlüçe seredýär we manylar hem üýtgäp biler. Şonuň üçin ilkinji çeşmeleri saklamak gerek – biziň olara gaýdyp gelip, täzeden düşünmäge mümkinçiligimiz bolar” – diýip, uniwersitetiň ýörite kolleksiýa bölüminiň koordinatory Sýuzi Bok belledi.
