Porsche kompaniýasy yzy görkezýän kameranyň näsazlygy sebäpli 2021-nji we 2023-nji ýyllar aralygynda öndürilen 17 müňden gowrak Macan awtoulagynyň yzyna çagyrylandygyny habar berdi. Näsazlyk ekranyň ýüzünde hiç hili şekiliň bolmazlygyna getirip biler, bu dürli tarapa öwrülmegi we awtoulagy duralga goýmagy kynlaşdyrar, heläkçilik töwekgelçiligini ýokarlandyryp biler.
Porsche yzyna çagyrylmaga degişli ulaglaryň eýelerine eýýäm habar ugradyp başlady. Kompaniýa näsazlygy düzetjek programma üpjünçiligini mugt täzeläp bermegi teklip edýär. Düzediş işi gysga wagtda amala aşyrylýar.
Porsche-niň wekilleri Macan-yň eýelerini näsazlygy düzetdirmek üçin iň ýakyn hyzmat merkezine gyssagly ýüz tutmaga çagyrýarlar.
